پاک کموڈیٹیز اسلام آباد۔  چینی سرگودھا زون جوہر آباد سیل نہیں کر رہا ہے اور لوڈنگ بھی نہیں دے رہا ہے کیونکہ مل میں ایکسپورٹ کی لوڈنگ ہو رہی ہے۔  پاک کموڈیٹیز کے ذرائع کے مطابق بھلوال شوگر ملز 9225 رمضان اور العربیہ 9150 پاپولر 9150 سلانوالی 9175 روپیہ کوئنٹل جیسے حالات ہیں۔  فیصل آباد سائیڈ کسان 9150 سویرا 9150 کنجوانی 9075 کشمیر 9075 روپیہ کوئنٹل جیسے حالات ہیں۔ پاک کموڈیٹیز کے مطابق جنوبی پنجاب میں آر وائی کے 8940 جیسے حالات ہیں آر وائی کے مل فل الحال سیل نہیں کر رہا ہے یہ انڈر پارٹی ریٹ ہیں۔ حمزہ نو سیل ہے جبکہ جے ڈی ڈبلیو 8885/90 یونائیٹڈ 8885/90 اتحاد بھی 8885/90 جیسے حالات ہیں۔  اپر سندھ میں ڈھرکی گھوٹکی اے کے 8870/75 روپیہ کوئنٹل جیسے حالات ہیں۔ پاک کموڈیٹیز کی معلومات کے مطابق زیریں سندھ میں باندی 9005/10 آباد گار شوگر ملز 9050 تھر پارکر 9020/25 جیسے حالات ہیں۔  ریٹیل میں گاہکی ٹھیک ہے۔  رات کے اوقات میں مارچ کے سودے 9185 تک ہوے تھے۔ مجموعی طور پر تیزی کا رجحان ہے حاضر میں مال ہاتھ میں رکھ کے چلیں۔  پاک کموڈیٹیز کی سندھ کے ایک ڈیلر سے بات چیت ہوئی تو انکا کہنا تھا کہ سندھ کی ایکسپورٹ کے کوٹہ کا کیس ہائیکورٹ میں چل رہا ہے جیسے ہی سندھ ہائیکورٹ نے فیصلہ دیا سندھ کی مارکیٹ فورآ تیز ہو جائے گی۔  جنوبی پنجاب کی بڑی ملیں فل الحال نو سیل ہیں۔  پنجاب میں 9 ملیں جبکہ سندھ میں 22 شوگر ملز بند ہو گئی ہیں۔  پاک کموڈیٹیز کی ریسرچ کے مطابق مارچ اپریل بہت بڑی لاگت کے مہینے ہیں۔ شعبان اور رمضان المبارک میں تقریباً 17.50 لاکھ ٹن چینی لاگت کا تخمینہ ہے۔ یعنی پونے دو کروڑ بوری ان دو ماہ میں لگتی ہے۔ اور ملیں کھل کر بیچ نہیں دے رہی ہیں۔  اس لئے لوگ تیزی کا خیال گن رہے ہیں۔ .

پاک کموڈیٹیز اسلام آباد۔ گوارہ تھل پنجاب کی منڈیوں میں 13000 روپیہ کوئنٹل جبکہ کراچی میں تھر پارکر کوالٹی کے ریٹ 14000 جیسے حالات ہیں 93.310 کلو کے۔ مارکیٹ رکی ہوئی لیکن بیچ اتنی زیادہ نہیں ہے۔ پاک کموڈیٹیز کے ذرائع کے مطابق آج انٹر بنک میں ڈالر نے 17 روپیہ کی بڑی چھلانگ لگائی اور اس 285 کی سطح پر پہنچ گیا ہے۔  چونکہ گوار گم ایکسپورٹ ہوتی ہے اور کرنسی جب کمزور ہوتی ہے تو ایکسپورٹرز کا وارہ پڑتا بہتر ہو جاتا ہے۔  اس لئے گوارہ بھی بہتر ہو سکتا ہے۔ .

پاک کموڈیٹیز اسلام آباد۔ باجرہ لالہ موسیٰ لائن 2850 روپیہ من جیسے حالات بن گئے ہیں۔ تھل لائن پر 7250/7300 روپیہ کوئنٹل پہ مارکیٹ رکی ہوئی ہے۔  پاک کموڈیٹیز کے ذرائع کے مطابق آج انٹر بنک میں ڈالر 17 روپیہ تیز ہوا ہے اور 285 ڈالر کی سطح پر پہنچ گیا ہے۔  آج کے ڈالر ریٹ کے حساب سے باجرہ ایکسپورٹ میں وارہ کر جاتا ہے۔  پاک کموڈیٹیز کے ذرائع کے مطابق انڈیا میں باجرہ 285/90 ڈالر فی ٹن ہے۔ جبکہ پاکستان میں آج کے ڈالر ریٹ کے حساب سے 270 ڈالر بنتا ہے اس لئے ایکسپورٹرز کو بھی وارہ بن جائے گا۔  مجموعی طور پر بہتری کے امکانات ہیں۔ .

پاک کموڈیٹیز اسلام آباد۔ ماش ثابت ایس کیو کے ریٹ کراچی مارکیٹ میں 150 روپیہ من تیز اوپن ہوے ہیں اور 12500 جیسے حالات بن گئے ہیں۔ بعض ایمپورٹرز 12600 بھی مانگ رہے ہیں۔  پاک کموڈیٹیز کے ذرائع کے مطابق انٹر بنک میں ڈالر نے آج ایک ساتھ ہی 17 روپیہ کی چھلانگ لگائی ہے اور 285 کی سطح پر پہنچ گیا ہے جس کی وجہ سے ایمپورٹرز نے سیل کم کر دی ہے۔ .

پاک کموڈیٹیز اسلام آباد۔ مونگ ثابت کے ریٹ فیصل آباد منڈی میں 100 روپیہ من تیز اوپن ہوے ہیں اور 8400 سے 8500 جیسے بھاؤ بن گئے ہیں۔ مارکیٹ بہتر ہے۔ .

پاک کموڈیٹیز اسلام آباد۔ مسور کرمسن کراچی 3 روپیہ کلو تیز ہوئی ہے اور 207 جیسے حالات بن گئے ہیں۔ کرمسن مسور کے ریٹ بھی تیز ہوے ہیں اور 215 جیسے حالات بن گئے ہیں۔ پاک کموڈیٹیز کے ذرائع کے مطابق انٹر بنک میں ڈالر 17 روپیہ تیز ہوا ہے اور 285 جیسے حالات بن گئے ہیں۔ مسور میں تیزی کا رجحان ہے .

پاک کموڈیٹیز اسلام آباد۔ کالا چنا کے ریٹ کراچی مارکیٹ میں 3.50 روپیہ کلو تیز ہوے ہیں اور 180 تک کام ہوا ہے مارکیٹ گرم ہو گئی ہے کیونکہ انٹر بنک میں ڈالر 17 روپیہ تیز ہوا ہے اور 285 کی سطح پر پہنچ گیا ہے جسکی وجہ سے ایمپورٹرز نے سیل بند کر دی ہے۔ .

پاک کموڈیٹیز اسلام آباد۔ مرچ ہائبرڈ کے ریٹ فیصل آباد منڈی 19000/19500 روپیہ من پہ رکے ہوئے تھے۔ جبکہ نئی ہائبرڈ 20500/21500 جیسی صورتحال تھی۔  پاک کموڈیٹیز کی آج ٹریڈر سے بات چیت ہوئی تو انکا کہنا تھا کہ آج تھوڑا تھوڑا گاہک نکلا ہے۔ امید ہے اگلے دو چار دنوں تک مزید گاہک نکلے گا۔  پاک کموڈیٹیز کے ذرائع کے مطابق جنوبی پنجاب کی مرچ صحیح معنوں میں جولائی میں شروع ہو گی۔ ابھی دو عیدیں آنی ہیں درمیان میں اور ساری گاہکی پرانی مرچ پر ہی آئے گی۔  پاک کموڈیٹیز کی ریسرچ کے مطابق ہندوستان میں نئی فصل کی اس وقت بھرپور آمد ہو رہی ہے۔ گزشتہ دس دنوں میں انڈیا میں ریٹ کافی تیز ہو گئے ہیں۔ صنم مرچ کے ریٹ انڈیا میں 225 روپیہ کلو ہو گئے ہیں جو ایک ماہ پہلے 190/95 روپیہ کلو تھے۔  پاک کموڈیٹیز کی ریسرچ کے مطابق اس وقت انڈیا سے چائنہ بھی خریداری کر رہا ہے اور دوسرے ممالک بھی خریداری کر رہے ہیں۔ انڈیا کا 225 والا ریٹ ڈالروں میں 3000 ڈالر بنتا ہے۔ اگر اس کا پاکستانی روپیہ میں حساب لگائیں تو پاکستانی کرنسی میں 810 روپیہ کلو یعنی 32400 روپیہ من بنتا ہے پھر پورٹ سے باہر نکالنے کے خرچے الگ لگتے ہیں۔  انڈیا والے کہتے ہیں کہ انڈیا میں مرچ 300 روپیہ کلو ہو جائے گی یعنی 4000 ڈالر کو بھی ٹچ کر سکتی ہے۔ پاک کموڈیٹیز کی معلومات کے مطابق مرچ فل الحال ان ریٹوں سے مندہ ہوتی نظر نہیں آ رہی ہے۔ بلکہ جب ستمبر اکتوبر میں کنری سندھ کی فصل نئی فصل آ جائے گی شائد تب بھی مندہ نہ ہو کیونکہ انٹرنیشنل مارکیٹ انڈیا کے سر پر چلتی ہے اور اگر پاکستان کی فصل دو گنا بھی ہو جائے تب بھی انڈیا کے مقابلے میں کچھ بھی نہیں ہے۔ اگر سندھ کی فصل دگنی ہو جائے اور انڈیا میں ریٹ 3000 ڈالر کی سطح پر برقرار رہتے ہیں تو پاکستان کی ساری فصل ہی ایکسپورٹ ہو جائے گی۔  پاکستان میں صرف ریٹیل میں گاہکی کی ضرورت ہے جہاں گاہکی بھرپور نکلے گی وہاں مارکیٹ سیٹ ہو جائے گی۔  پاک کموڈیٹیز کے ذرائع کے مطابق پاکستان میں مرچ کا ریٹ 20000 روپیہ من ہے جو 1800 ڈالر بنتا ہے۔ اور اگر ستمبر اکتوبر میں پاکستان کی بمپر فصل ہو تب بھی ساری ایمپورٹ ہو سکتی ہے کیونکہ پاکستان کی پیدوار انڈیا کے مقابلے میں 5% نہیں ہوتی اور انڈیا پوری دنیا کو مرچ سپلائی کرتا ہے۔  اس وقت پاکستان سے مرچیں ایکسپورٹ نہ ہونے کی وجہ کوالٹی ہے۔ کوالٹی ہلکی ہے۔ دوسری اہم بات یہ ہے کہ ایکسپورٹرز کو 100/200 ٹن کی لاٹ چاہیے ہوتی ہے جبکہ اتنی بڑی لاٹ ادھر ملتی ہی نہیں ہے صرف ریٹیل میں گاہکی کم ہے۔  مجموعی طور پر بہتری کے امکانات ہیں۔ .

پاک کموڈیٹیز اسلام آباد۔ تل ہائبرڈ فیصل آباد منڈی میں 17400/500 روپیہ من جیسے حالات ہیں۔ مارکیٹ رکی ہوئ ہوئ ہے۔ بیچ کھل کر نہیں ہے۔  .

پاک کموڈیٹیز اسلام آباد۔ جے ڈی ڈبلیو رات کے اوقات میں 8800 کا خریدار ہے ٹکس ان پیڈ جبکہ ٹیکس پیڈ 8875 جیسی صورتحال بن گئی ہے۔  مارچ کے سودوں کی 9185/90 جیسی صورتحال بن گئی ہے۔  پاک کموڈیٹیز کے ذرائع کے مطابق جے ڈی ڈبلیو مل نے 10 اپریل کی پیمنٹ پر 9600 میں کام کیا تھا۔ تاہم آج ایک دو ڈیلروں نے جے ڈی ڈبلیو کو 9600 کی گاہکی لگائی ہے 10 اپریل کی پیمنٹ پر لیکن مل نے مال سیل نہیں کیا ہے۔  پاک کموڈیٹیز کے ذرائع کے مطابق بڑی ملوں کا جب فارورڈ میں مال فروخت ہو جائے تب ملیں حاضر میں سیل نہیں دیتی ہیں۔  اس لئے بڑے ڈیلر بھی اس وقت مارچ کے سودوں کے خریدار ہیں اور حاضر میں بھی لے رہے ہیں .